深圳大閘蟹2024 | 1. 蟹中匠
深圳大閘蟹2024 | 又到食大閘蟹嘅季節啦～相信大家放假有時都會返深圳玩，究竟深圳有咩地方食大閘蟹，任食最平$300都唔使？仲可以一次過食埋M8和牛同其他海鮮？即刻睇詳情！
圖片來源：小紅書@77、多芒小丸子、半食日记、鼻涕妹、浅尝亿口、及时马克功课、香菜同学、安安吃啥哟 | 撰文：Hedy
深圳大閘蟹2024 | 1. 蟹中匠
唔知大家喺香港又有冇食過唔同嘅大閘蟹放題呢？「蟹中匠」係香港都有分店，其後亦將業務擴展到國內，只需要¥348一位，就可以任食全場嘅大閘蟹！每隻大閘蟹肉質嫩滑又多膏，而且亦有多種食法例如鹹焗大閘蟹、清蒸大閘蟹、蟹黃小籠包以及蟹黃金撈麵等等，就連汽水以及罐裝啤酒都係任飲，啱晒鍾意返大陸玩嘅朋友～
無限任食！（圖片來源：小紅書@77）
¥348/位（圖片來源：小紅書@77）
超多膏！（圖片來源：小紅書@77）
【INFO】
《蟹中匠》
價錢：¥348/位
地點：深圳羅湖區東門中路2088號東門中心城一樓017號舖
交通：地鐵曬布站A2出口
深圳大閘蟹2024 | 2. 曼格活海鮮火鍋·榴蓮自助
曼格活海鮮火鍋·榴蓮自助周不時都排長龍，店鋪主打活海鮮，當中包括大閘蟹、澳洲藍龍蝦、鮑魚以及生蠔等等。一開大閘蟹滿滿嘅膏，超好味，大家都可以喺度任食2個鐘！鍾意食榴槤嘅朋友更加唔可以錯過，每件榴槤都啖啖肉，烤完之後更加好味。
店鋪主打活海鮮（圖片來源：小紅書@多芒小丸子）
仲有烤榴槤（圖片來源：小紅書@多芒小丸子）
曼格活海鮮火鍋·榴蓮自助（圖片來源：小紅書@半食日记）
啖啖肉（圖片來源：小紅書@多芒小丸子）
【INFO】
《曼格活海鮮火鍋·榴蓮自助》
價錢：成人¥269/位、小童¥118/位
地點：深圳市龍華區龍華天虹購物中心3樓L348號舖
交通：福田口岸地鐵4號線 紅山站A1出口
深圳大閘蟹2024 | 3. 一緒壽喜燒
一緒壽喜燒為日式壽喜燒自助餐廳，可以畀大家一次過食盡和牛仲有期間限定嘅大閘蟹！大閘蟹蟹黃鮮香醇厚，每一隻都大過手掌，令人食極唔停！而另一個重頭戲就係m7和牛上腦、M8-9和牛，再加埋蛋液放落口，超香～仲有甜品、水果以及雪糕等，絕對會食到好飽，而價錢方面就由¥219起，大家都可以揀選唔同嘅套餐。
一次過食盡和牛同大閘蟹（圖片來源：小紅書@鼻涕妹）
M8-9和牛（圖片來源：小紅書@鼻涕妹）
好大隻！（圖片來源：小紅書@鼻涕妹）
【INFO】
《一緒壽喜燒》
地點：工業路龍華壹方天地C區4樓008鋪
交通：地鐵4號線龍華站
深圳大閘蟹2024 | 4. 蟹叁寶·蟹黄面
喺秋天呢個食蟹嘅季節，除咗可以食到大閘蟹之外，依家仲有蟹黃金撈蟹黃麵，金黃色嘅蟹黃再倒落麵到，簡直係無法抗拒。店鋪更有花雕醉蟹、蟹黃湯包以及蟹黃春卷等，每一款都超入味，大閘蟹更係爆曬膏，懶人都可以品嚐到啖啖金黃色嘅膏～
蟹黃金撈蟹黃麵（圖片來源：小紅書@安安吃啥哟）
多款煮法～（圖片來源：小紅書@安安吃啥哟）
好吸引呀！（圖片來源：小紅書@香菜同学）
【INFO】
《蟹叁寶·蟹黄面》
地點：福田街道皇庭廣場L2層25B（東門奈雪附近）
交通：會展中心站A1
深圳大閘蟹2024 | 5. 徐記海鮮
想食到新鮮嘅陽澄湖大閘蟹就可以到徐記海鮮，食落去肉質飽滿且鮮甜，每一隻都係精選陽澄湖、江浙核心優質產地嘅大閘蟹，隻隻幾乎爆膏，價錢就大概為¥128一隻！
肉質飽滿兼鮮甜（圖片來源：小紅書@浅尝亿口）
爆膏（圖片來源：小紅書@浅尝亿口）
【INFO】
《徐記海鮮》
價錢：¥128起
地點：徐記海鮮京基一百店（羅湖區）
交通：地鐵1號線,大劇院站B出口
深圳大閘蟹2024 | 6. 舟市水產自助
如果想返大陸食自助餐同時又可以食大閘蟹，人均大概$300就食到，主打海鮮，可以喺海鮮池入面即刻撈起再即刻煮，選擇包括澳洲藍龍、羅氏蝦、阿根廷紅蝦等。而大閘蟹方面就有紅花蟹以及孟加拉膏蟹等，啖啖蟹膏！榴槤控更加唔可以錯過泰國金枕烤榴蓮，超滿足！
自助餐（圖片來源：小紅書@及时马克功课）
好多海鮮（圖片來源：小紅書@及时马克功课）
任食榴槤！（圖片來源：小紅書@及时马克功课）
【INFO】
《舟市水產自助》
價錢：¥298起
地點：卓悅匯購物中心L3
交通：上梅林站
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
Tags :
大閘蟹大閘蟹2024深圳大閘蟹深圳大閘蟹2024深圳大閘蟹放題sauce焦點
HedyCheng
10/04/2024